kopya ng naunsyaming RIBLO...

Aktuwali, repost ko lang 'tong entry na 'to pero part din to ng RIBLO. Repost ko na lang ulit (oh ayan may mali na naman ako, redundant. pansin mo?) Bale ito yong kasunod dun sa Wika na parte ng naunsyaming libro. So kumapit na ng mahigpit habang binabasa mo 'to. Itigil mo muna ang pag kain dahil baka mabilaukan mga hijo't hija. Kung nanonood ng porno i-close mo muna, at wag kalimutang huminga.

=OOO=

"hindi lahat ng panggagaya ay maganda"

- Edu Manzano

Noong high school pa lang ako. Garapalan talaga ang kopyahan, yes cheating! Kahit pa nakatalikod lang nang bahagya ang titser, kopyahan talaga ang drama. Halatado kasi maraming bulungang maririnig. Tapos meron pang drama na 'pag umubo ibig sabihin ay letter A, pag kumamot ng ulo naman ay letter B, pag suminghot letter C, at pag letter D kumukunot ang noo. Sa sobrang hirap ng exam, wala kaming choice kundi yon.

Aminado rin akong ako'y NANGOPYA at NAGPAKOPYA, sabi nga nila ang estudyanteng nagigipit sa katabi lumalapit.MAy clique din ako noon, o sa madaling sabi grupo-grupo. 'jologs' company" ang pangalan ng aming samahan. (hindi ko alam kung impluwensya ba ito ng pelikulang JOLOGS the movie o sadyang jologs lang kami).When it comes to mathematics nagtatransform talaga ako as parasite, parang yong sa pelikula mega transform ang drama. Talagang kopyahan talaga, ginawa ata ang math bilang isang kryptonite ko. As in kopyahan talaga na ultimo "**" na symbol eh kinokopya ko without knowing na erasures lang pala ng katabi ko. Paksiyet! nakakahiya yun talaga... Ang siste naman ng titser kong kamukha ng rugrats. Ipaparecite sa yo yong sagot mo pag tsinetsek na yong papel at sa harapan pa. Sa math lang naman ako mahina, kaya pag yong time na tsinetsekan yong papel sa math nasa canteen ako.

Pero hindi ko sinulat ang "kabobohang" 'to para mabasa lang at maipagmalaki ko (kung yun ang iniisip mo), sinulat ko yun dahil sa kabila ng kabobohang yun eh na-overcome ko.Gumawa ako ng paraaan para sa sarili ko, na hindi lahat ng pagkakataon eh parasitiko ako. Na kaya ko ring matuto nang mag-isa, ng may pride at utak para sa tamang paraan (naks ang drama, uber!.)Napagisip-isip kong hindi pa rin sapat yong marunong ka lang bumasa, sumulat at magbilang. Dapat matuto pa rin tayo kung paano i-extend yung abilidad mong yun at gumawa ng paraan para pakinabangan pa mas lalo. Kumbaga stepping stone mo pa lang yun o basic skills para maging tunay na literado.

Dumating yung time na kelangan ko na rin talagang kumilos para sa aking sarili at hindi pangongopya lamang ang sagot sa lahat ng katanungang na makikita mo sa test paper mo. May isang tanong na dapat mong masagutan bago mo pa man i-submit ang test paper mo, yun ay kung kelan mo ititigil ang pangongopya? Hindi lahat ng cheater kayang sagutin yan, kung nasa dugo na nila ang dugong parasitiko; wala na tayong magagawa pa, gaya ng nasabi ko nasa sa kanila pa rin talaga ang pagbabago.

Ayon kay Jean Baptist de Lamarck; isang french biologist, "a change in the environment causes changes in the needs of organisms living in that environment, which in turn causes changes in their behavior. Altered behavior leads to greater or lesser use of a given structure or organ; use would cause the structure to increase in size over several generations." Ayon sa aking pagkakaintindi may posibilidad nga na mamana natin ang traits mula sa ating magulang pero mas nakakaepekto pa rin ang environment sa paghubog ng katangiang yon. Nagset sya ng example tulad ng mga giraffe, ayon sa kanya ang mga naunang giraffe daw ay maikli lang ang leeg pero dahil sa scarcity ng pagkain na darating ang mga damo lang naman daw ang kinakain nila ngunit nang lumaon kenailangan na nilang i-strecth ang kanilang leeg para lang maabot ang mga dahon ng puno na nasa kanilang kapaligiran. Mula sa paglipas pa ng kanilang henerasyon, ang dating maikling leeg ng geraffe ay humaba ng humaba sanhi ng kanilang pangangailangan. Simple lang ang gustong ipabatid ni de lamarck. Organism changes as their environment changes as well. Pero hindi ito tinanggap ng ilang siyentipiko dahil kulang pa raw sya ng batayan para magtala ng ganoon. Katulad ng mga kaso ng mga makakapangyarihan dito sa Pinas, ang hatol...DISMISSED!Maaring totoo maaaring hindi. Isa lang pwedeng relevance, ang mangongopya ay humahaba ang leeg tulad ng giraffe ayon sa pangangailangan talaga para mabuhay. At kung nasa dugo mo na ang pangongopya isipin mong mabuti, baka maaari mo rin itong maipasa sa iyong salinlipi. Hala ka.

riblo ang kwento ng naunsyaming libro.

Okey payn, para sa kapakanan ng naunsyaming libro. Sa maniwala’t ka at hindi, sinubukan kong gumawa ng sariling libro pero hindi natupad dahil sa ilang kadahilanan. Binalak kong mag-ala author ang drama ng buhay ko, umambisyon pero hindi natupad.Matupad man pero malabo na.
Kaya dito ko na lang ipopost yong unang bahagi ng librong nabanggit, pero bago pa man ang lahat ikukuwento ko muna kung saan nagsimula ang lahat...

18 years old ako nun, nang maisipan kong gumawa ng kahibangan sa buhay ko. Sa murang edad na punumpuno ng raging hormones e naisipan kong gumawa ng librong na parang nagda-diary lang.

RIBLO...

‘yan yong gusto kong pamagat ng librong nabanggit, bakit ganyan yong book title? mam'ya malalaman mo. Tapos sa baba nya may tag line dun na, ang librong para sa mga matatalino.

Tama, libro para sa mga matatalino dahil ginawa ng isang bobo. Kung may mali man sa grammar, sintaks, panlalapi, ugnayan ng pangungusap e labas na ako dun, matatalino naman sila at anytime pwede nilang itama. (playing safe?)

Ito 'yong unang bahagi ng libro...

Magsisimula ang lahat nang dahil sa isang pagsibol ng isang hinayupak na nilalang na nagnanais kumawala sa tinatawag na ‘normalidad’ ng kanyang eksistensya. Kasabay ng 360`degree na pagikot ng mother earth sa 23.5 nitong inclination axis, isang nilalang nga isinilang para maghasik ng lagim dito sa lupa (sabay tawa ng malakas). Kung saan man sya galing, sikreto daw, walang nakakaalam.

Siya ang may pasimuno nang lahat ng ito, ng binabasa mo.

What is life? Isang tanong na cliché sa tenga ng marami, may kanya-kanyang interpretasyon at pakahulugan. Tanong na mahirap sagutin minsan. Tanong na walang nagsasabing tama o mali ang sagot mo dahil ikaw mismo ang nagbibigay simbolo.

Where does it come from? Naks! Kanina lang what is life ngayon naman kung saan ito galing, ano to islambuk? Sabi ng born again slash katoliko slash minsan atheist slash tibak kong kaibigan ang buhay daw ay galing sa Kaniya. Kaya tinanong ko yong frend kong bihira lang maligo. Sino ba Siya? Sumagot naman sya habang may hopia sa bibig nya at patuloy sa pagsupsop ng softdrinks, “katulad din kung paano mo bigyan ng pakahulugan kung ano ang buhay sa ‘yo, ganun mo din mabibigyan ng sagot kung sino nga ba Sya? Dahil Siya ay buhay para sa mga mas nakakaalam at para sa mga nakararami”. Antaray! nosebleed ako sa sagot nya, pero naisip ko totoo nga naman. Hindi hawak ninuman kung paano mo ipakahulugan kung sino Siya sa iyo, kung sino ang tinatawag mong Diyos, tanging ang tinatawag na ‘faith’ lang ang makakasagot ng lahat. Kung naniniwala kang may buhay ka dahil buhay ka ngayon ganun din malamang ang ipakahulugan na meron Sya sa buhay mo. Dahil sya ang buhay ng buhay mo,leche! tama na nga dinudugo na naman ako.

Naalala ko tuloy noong tinanong kami ng biology teacher ko nito lang college, What is life? Tapos sumagot kami, life is what you make it! na animoy parang nursery rhyme dahil sa pagsagot ng sabay-sabay. Sus! Kulang na lang bumaga ng apoy yon teacher ko dahil sa galit. Akalain mo? hindi pala yun yong punto ng tinatanong nya. Bigla kaming natauhan, science class nga pala kami. Tamang sagot? Life is existence daw. Owww (namangha) na lang yong sumunod na reaksyon namin. Tama nga na naman, life is existence. Tapos sinundan ng comment ng sarkastikong katabi ko na mahilig sa mga paranormal ek-ek, if ghost exists, then they have life. It means they are alive.

Sumunod na nangyari? Ayun, long quiz na mala-nobela. Since nasa biology class kami, kulang na lang sampahan namin ng kaso yong teacher ko ng animal cruelty. Kainis!

Lesson:
Ang buhay ay parang balon, malalim!
Lahat ng teacher may PMS.
At hindi lahat ng nagreview pumapasa.
Pwedeng pumasa ang nangopya, minsan mas mataas pa.
Life is a sentence. It has a point that ends.

Gusto ko yung huling moral lesson. Malaman at parang masarap pakinggan, parang tunog pangcall center. Ay oo nga pala, mali palang gamitin yong moral lesson, redundancy daw kasi yun sabi ng english teacher ko. Whatever.


xxxxx

Point.

Matagal ko nang pinopoint kung may point nga ba ang point para sabihing period na?

Period. Ito yong makikita mo sa huli ng sentence, tulad nito ( . ) parang ancute tingnan isa pa nga (inserted kapilyuhan) ( . ) ( . ) basta yong nakapaloob sa parenthesis.

Pero sa mga kababaihan ito yong colloquial term ng menstruation, o mas kilala sa buwanang-dalaw. It is being experienced monthly. As female approaches puberty, ang pituitary gland ng babae ay nagsesecrete ng gonadotrophic hormones, it stimulates the gonads and controls reproductive activity and ito yong follicle stimulating hormones at luteinizing hormones na nagbibigay sanhi upang ang ovaries ay maging aktivo.

Ayoko ng ituloy, tama na yong malaman natin na ang babae ay dinadalaw buwan-buwan sabay ng pagdurudo sa isang parte ng katawan. Ang tawag dyan ay blooding este bleeding pala.

Teka anong connect ng point sa dalaw ng babae? (kunyari nag-iisip pero wala naman talagang iniisip tapos biglang sisigway ng...)

Ano pinagkaiba ng what is the point? At what is point?

next post na po yong succeeding part ng naunsyaming riblo.