bisperas ng pasko. natulog ako mula alas sais ng hapon hanggang alas onse ng gabi. isang oras bago ang opisyal na pasko. 04:30 pa lang kasi umuwi na kami mula sa trabaho kaya dahil na rin siguro sa pagod mula sa opisina, nakatulog na ako.
wala kaming noche buena actually. dalawa lang naman kami ni albert, kaya hindi na. mas gugustuhin na lang namin pareho ang matulog o kaya magpahinga kesa sa maghanda pa nang kung anik anik pa. ilang taon na rin namang malayo kami sa pamilya kaya siguro sanay na kami pareho.
nasaksihan ko ang mismong paglapat ng kamay ng orasan sa impuntong alas-dose. maingay sa labas ng bahay. may nagpapaputok at maraming nagkakasiyahan. party party?
pero dahil nga halos limang oras na ang tulog ko, eh hindi na ako dalawin ng antok. kaya nagchat na lang ako sa phone ko using palringo platform. okay naman. maraming bagong kakilala.
alas singko na ng umaga ako natulog at alas dos na ako ng hapon nagising. mahaba habang tulugan yon,halos kalahating araw akong tulog. paglabas ko ng bahay maraming bata ang nagkalat, nakapustora. siguro mamamasko sa mga ninong at ninang. maswerte ako dahil nasa probinsya yong ilang inaanak ko, hehe.
yun, yun lang naman ang nangyari sa akin ngayong pasko ng 2011. merry christmas!
Walang komento:
Mag-post ng isang Komento